الكفتة المصرية … كفتة للفلول فقط

قياسي

اولا بحب اقول شكرا لكل من ساهم فى الثورة ولكل واحد راح التحرير وكل واحد طلع فى شوارع وميادين مصر علشان يحررها ولكل مصاب ولكل واحد فقد عينه علشان بلدنا تشوف النور شكرا لكل مصاب شكرا لكل من ساهم وشكرا وشكرا وشكرا الى كل شهيد ضحى بحياته علشان نوصل للمرحلة دى علشان يبقى لكل مواطن صوت مهم يقدر يعبر بيه ويغير بيه ويشارك بيه فى صنع مستقبل البلد ويكون له يد فى صنع القرار وعلينا جميعا ان نسجد سجدة شكر الى الله لاننا وصلنا الى طريق الديموقراطية وكل واحد يقرا الفاتحة على روح الشهداء لان بدون تضحياتهم مكناش وصلنا ولو ربع الطريق اللى احنا فيه دلوقتى وشكرا للشعب المصرى اللى اثبت للعالم كله انه جدير بالديموقراطية اللى راح فى سبيلها ارواح ودماء شهداء كتير وعلمو العالم درس فى النظام وفى المشاركة السياسية بعداعوام من التزوير يعنى لو ركزت شوية وقارنت بين اللجان الانتخابية قبل الثورة وبعدها هتلاقى ان قبلل الثورة الحكومة كانت بتحب شعبها وبتحب تريحه كانو بيصوتولهم وهما قاعدين فى بيوتهم ووصلت الديموقراطية فى النظام السابق انهم حتى الاموات مكانوش بينسوهم كانو بيصوتولهم برده كانت حكومة عادلة بصحيح اما دلوقتى تلاقى الطابور طوله اتنين كيلو كله بيتعب ويقف فى الطابور علشان يصوت ويلون صباعه باللون الازرق ولو صباعك مش بلو يبقى نرجع جمال وابوه .

وبالنسبة للانتخابات اللى حصلت فى المرحلة الاولى والتشكيك فى بعض يعنى مثلا ظهرت حملات على الاخوان بسبب انهم كانو بيوزعو سكر على الناس ونسيو ان شبابهم كان بيقعد قدام اللجان يحمى الاصوات ويساعد الناس انها تعرف مقر لجانها وكانو بيساعدو الجميع المسيحى والمسلم مفيش فرق بس بصراحة الاخوان معملوش الواجب ايه يعنى بيوزعو سكر وطماطم عيب عليهم حتى مش عارفين يتعلمو من الناس التانية اصلهم مش سياسيين يا اخوانا عيب عليهم لما يوزعو سكر عشا ن كده انا مش هنتخبهم اصلى مبحبش السكر انا هنتخب الكفتة المصرية …قصدى الكتلة المصرية اعذرونى بقى كفتة من كتلة مش هتفرق اصل احنا داخلين على برد وهما بيوزعو بطاطين وانا حنيت لايام الفلول وعايز اجرب كنتاكى  وانا بدعو الناس كلها انها تيجى تاكل معايا كنتاكى وتبعد عن الاخوان الوحشين اللى بيوزعو سكر بس ويالا بينا على مطعم الكفتة المصرية علشان ناكل وجبة هنية تقضى مية فل وفل وشعار الممطعم الكفتة المصرية كفتة ذات مذاق خاص ….للفلول فقط .. اللى شايف نفسه فل ييجى المطعم  وينتخب الكفتة المصرية علشان البرلمان يببقى كفتة على حق وياخد الوجبة المجانية ويقف مع الحاج ساويرس اللى عاوز الغرب ييجو ينقذوه من الاسلاميين اللى هيخربو البلد وهو اللى هيعمرها اصله معمر من زمان وحبايبة الاسرائيليين هيظبطوه على الاخر واهو واجب بواجب هو عمل معاهم واجب وحطلهم شبكة محمول على الحدود علشان تسهلهم عملية التجسس الدور عليهم بقى يردو الواجب ده والا هيبقى معنهدمش اصل بصراحة ..وهيا بنا الى الوجبة المجانية

الكفتة المصرية …..كفتة للفلول فقط..

بقلم عاصم عرابى

1-12-2011

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s