اوكــــازيون

اوكازيون ….اوكازيون…..اوكازيون

احزاب ………ائتلافات…….حركات

اللى عايز حزب يقف فى الطابور ده واللى عايز ائتلاف ييجى فى الطابور التانى اما اللى عايز حركة يفوت علينا بكرة علشان النهاردة زحمة اما بقى اللى مش عايز حاجة من دول يحاكم محاكمة عادلة ويعدم .

هو ده حالنا فى الوقت الحالى عاملين زى اللى داخلين معرض احزاب ومعموله خصومات واوكازيونات كل اتنين اصحاب يعملولهم حزب ولا حركة ويدخلو عالم السياسة وقبل عمل الاحزاب طبعا تطلع تصريحات منهم ان هم من ثوار 25 يناير العظيم وكان بس اللى ناقص انههم يقولو انهم  ماتو شهدا فى موقعة الجمل .وبعد كده يطلع على الفضائيات والجرايد مع اعلاميين الزفة الكدابة صناعة مباركية 100% اللى عايزين البلد كلها اصلا تختلف مع بعضها وهو ده فعلا الواقع اللى احنا عايشينه .

يعنى مثلا لما تتكلم مع واحد فى الوقت الحالى او تتحاور معاه لازم يقولك انت تبع الحزب ده ولا الحركة دى وكان اللى يتكلم فى السياسة شرط من شروطه ان ينضم الى حزب او حركة والا فانه لا يفقه شيئا فى السياسه وكانه مش من حقنا ان احنا نعبر عن راينا المستقل الذى لا ينتمى الى حزب او حركة وانما نابع من حبنا لمصر فقط لا غير وكان الذى لا ينتمى الى حركة او حزب زى ما قلنا قبل كده يحاكم محاكمة عادلة ويعدم .طب ليه ؟ هو صاحب الراى المستقل ده مش مصرى ولا ايه ؟

هو انا كمواطن مصرى مش من حقى ان يكون ليه رايى المستقل بعيدا عن الانتماءات الحزبية او الحركية اللى بقت عاملة زى السرطان اللى انتشر فى الجسد المصرى ومش لاقيين ليه سبب او علاج فكرو معايا شوية ايه سبب الوباء ده ؟

انا من رايى ان سبب الوباء ده حالة من الكبت السياسى ولدت انفجار اطاح بالحكم وتحول الى العكس تماما بعد ان كان الحزب الوثنى هو الحزب الاوحد فى مصر وباقى الاحزاب من تابعيه اصبح العكس تماما الاحزاب انتشرت بطريقة مرضية .

لازم علشان تكمل ثورتنا بنجاح نتعلم حاجات كتير اهمها لغة الحوار وتبادل الخبرات ويبقى عندنا يقين من حاجة واحدة ان راينا او راى اى شخص اخر هو راى بشرى يحتمل الصواب والخطأ فنحن لسنا الهة او انبياء معصومين من الخطأ نحن بشر ومن طبيعة البشر الخطأ والسهو ولابد ان نقبل الراى والراى الاخر ولن ياتى ذلك الا بنشر الوعى بين الشعب المصرى  الناس البسيطة والمثقفة على حد سواء لان انا بشوف للاسف ناس مثقفة ومعندهاش ثقافة الحوار وتقبل الاراء وتقع مسئولية نشر هذا الوعى اولا على عاتق الاعلام من تلفزيون وجرايد … بمعنى ان طريقنا للوعى يبدا من الاعلام ثم الاعلام ثم الاعلام لذلك لابد من تغيير الاستراتيجية الاعلامية التى يتبعها منذ ايام المخلوع وهى استراتيجية تفريق الاراء ليتبع استراتيجية اخرى وهى السعى الى التقريب بين الاراء وتقبلها مهما كان مدى الاختلاف  ونتعلم الحوار بصورة حضارية

بعد كده بس نقدر نقول ان مصر هيحصل فيها تغيير وتقدم وان ثورتنا نجحت وحققت اهدافها اللى كان اولها واهمها حرية الراى .

بقلم :عاصم عرابى

26-9-2011

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s