سلامات يا عم المناضل

قياسي

احلى حاجة فى الثورة انها لمت الشامى على المغربى يعنى لمت المثقفين على الناس العادية والناس الغلبانة على الطبقة الراقية واللى مش لاقيين اللقمة يعنى من كل لون يا بطيستا يعنى يا باشا تروح التحرير اللى انت عايزة هتلاقيه هتلاقى كل الانواع .

بس اللى كانو بيروحو ايام الثورة 18 اى قبل التنحى مختلفين عن اللى بيروحو دلوقتى لان الناس بعد ما شافت بعنيها ان اللى راحو التحرير متلمعين على الفضائيات والصحف وبيقولو عليهم ابطال طبعا وجه دلوقتى دور العيال التانية اللى كل همها تسريحة شعرى ايه النهاردة زى بوب ماربى ولا زى تمورة واخر اغانى فيفتى سنت كل عيل من دول قال طب وانا ليه مروحش اهو اروح والدنيا هديت ومحدش يقدر يبصلنا واروح اقضى وقت جميل انا والحتة بتاعتى اللى هى البنت طبعا طبعا يروح داخل على الفيس يشوفله كام بيدج كده عن المظاهرات وكام علم لمصر يحطهم فى الالبوم بتاعه واول ما يسمع ان فى ناس رايحة التحرير حتى لو رايحين يأزأزو لب يروح مظبط مع شلته ويقلهم بيس اقابلكم فى التحرير وطبعا يكلم البنت صاحبته (الحتة) ماهو مينفعش يعدى يومك التحرير من غير شوية لحظات رومانسىية ويروح بقة يجهز نفسة جلجلة الشعر باى شكل غريب كده وتثبيته وتسقيط البنطلون من اهم خطوات الخروج ويحضر الكاميرا بتاعته ولا كاميرا الموبايل حتى لان من غير الكاميرا خروجة التحرير ملهاش اى ستين لازمة ويجهز شماريخه طبعا يعنى تروح التحرير هتلاقى الشامى والمغربى برده بس الشامى والمغربى اللى فى الاول غير الشامى والمغربى دلوقتى تقولى ازاى اقولك معرفش .

ويروح على التحرير يقابل الشلة ومعاهم صاحبته طبعا ويروحو على التحرير علشان يتصورو شوية مرة مع دباب مرة مع الامن المركزى لزوم البومات الفيس بوك علشان يتشهر بقى ويبقاله حس ويعيش فيها دور الواد المناضل اللى مقطع السمكة وديلها ويفتكر نفسه رافت الهجان ولا جمعة الشوان وطبعا العيل من دول مستنى حد يزقه ولا يقوله اى حاجة علشان بسخنه علشان يعيش فيها دور البطل المغامر اللى بيدخل يولع ويحرق ويقتحم زى ما حصل فى السفارة وفى مديرية الامن ويفكر نفسه خلاص بقى هو المخلص اللى هيخلص مصر من الضياع اللى هى فى .

وهو ميعرفش انه شخشيخة فى ايد اى حد وعامل زى عرايس المسرح اى حد يحركة زى ماهو عايز وفى المكان اللى عايزة

سلامات ياعم المناضل

11-9-2011

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s