نشال الاتوبيس

قياسي

 

 

 

 

 

حرامى الاتوبيس اكيد معظم الناس اللى بتركب الاتوبيس جربته واتسرقت منه كتير من غير ما تحس واللى مركبش الاتوبيس اكيد شاف التجربة فى افلامنا العربى القديمة .

اكيد بنشوف هو بيسرقنا ازاى دايما مبيبقاش لواحدة بيبقى معاه شريك تانى بس خفى تلاقى واحد منهم بيشغلك باى حاجة يخترع خناقة مع حد تانى او يتخانق معاك انت شخصيا وانت طبعا متعرفش ان كل اللى بيحصل ده تمثيل علشان حضرتك تركز كل اهتمامك وانتباهك فى اللى بيحصل ومش دارى باللى بيحصل فيك وانت بتتقلب طبعا .اهو المجلس العسكرى عامل زى الحرامى ومصر هى الاتوبيس والشعب المصرى بقى هو الزبون اللى بيتقلب والمجلس العسكرى بالتعاون مع المخابرات العامة طبعا ومديرها عمر سليمان وقسم الاشاعات والحرب النفسية كل ما المجلس العسكرى عايز يقلبنا وياخد سلطات مش من حقه يطلعلنا شوية اشاعات علشان نركز اهتمامنا كله وكلامنا كله يبقى عن الاشاعات دى زى المخلوع مبارك اللى موتوه كتير قوى مع ان الموت الكتير خطر على صحته بس مش مشكلة ولما يطلعلك  اشاعة تانية بانهم قبضوا على ناس بتهرب صواريخ عابرة للمدن واشاعات كتير جدا غرقت الدنيا فى الفترة الحالية خصوصا بعد اتحاد القوى والشعب ضد المجلس العسكرى مطالبين باسقاطه ورافضين للاعلان الدستورى وحل مجلس الشعب المنتخب والمجلس بيعمل كل اللى بيقدر عليه علشان يصرف انتباههم من الميدان والمطالب دى للاخبار التانية اللى زى موت مبارك وهروب شفيق وتهريب الاسلحة وغيرها كتير .ولازم كلنا منستسلمش للاشاعات دى ونحاربها نسمع واحد يقول طب نعمل ايه علشان نحارب الاشاعات والحرب النفسية دى ؟

هنعمل كتير اهم حاجة ان احنا منرددش الاشاعات دى يعنى اللى يقولك مبارك مات قله يسقط حكم العسكر وانا برفض الانقلاب الدستورى .

واللى يقولك شفيق هرب قوله يسقط حكم العسكر علشان قرار حل مجلس الشعب باطل وده انقلاب على الشرعية

يعنى اللى يقولك اى اشاعة علشان تركز فيها رد عليه بالعكس وخليه هو يركز فى اللى بيحصل فى التحرير والانقلاب الدستورى من المجلس العسكرى على كل السلطات المنتخبة .

وهى دى سياسة نشال الاتوبيس

ويسقط يسقط حكم العسكر

 

بقلم : عاصم عرابى

9 رأي حول “نشال الاتوبيس

  1. mando

    بس فيه ناس بتشوف كل ده ومش بتتكلم وده مش وقت الكتل الصمته مش عنعيش طول عمرنا كده والساكت عن الحق شيطان اخرص

    • لا مضى الوقت الذى نرى فيه الظلم ولا يوجد ما يسمى بالكتلة الصامتة الا السلبيون وهؤلاء ليس لهم اى قيمة لانهم لا يشاركون فى صنغ مستقبلهم او مستقبل اولادهم لذلك لا يستحقون الاهتمام

  2. محمد صلاح

    المجلس العسكرى متمسك بالسلطة لا يوفى بعهوده .. ينفذ رغبات الشعب لكن على طريقته .. عاوزين انتخابات حاضر و كمان اغلبية ماشى بس عندى المحكمة الدستورية .. عاوزين انتخابات رئاسية و رئيس منتخب من عنيه بس عندى اعلان دستورى .. لا أدرى الى متى تأخذنا الأزمة الحالية و هل الرئيس القادم سيصبح رئيسا بالفعل

    • علينا الاتحاد مع كلا الاطياف ورفض قرارات المجلس العسكرى جملة وتفصيلا سواء اعلان دستورى او حل برلمان فهو لا يملك الشرعية لاصدار مثل هذه القرارات

  3. حمادعلي

    المقال رائع جدا حيث يوصف ويجسد الوضع الحالي والقائم والذي يمارسه المجلس العسكري ومعه الدولة العميقه منذ توليه ادارة شئون البلاد من اتهامات يوزعها على الوطنيين وازمات يفتعلها مضيقا الخناق على المواطنين حتى يكفر الناس باليوم الذي قامت فيه الثورة وهومجلس فاقد للشرعية

    • اشكرك على تعليقك الاروع يا استاذ حماد واتمنى ان نساهم فى التوعية بين اهالينا البسطاء الذيت يصدقون هذه الاشاعات والاتهامات الملفقة للناس الشرفاء

  4. sara orabi

    رااااااااااااااااااااااائع المقال ده ومن أروع مقالاتك يا أستاذ عاصم بجد طول عمرك متألق وكلامك كله فى قمة الروعة وفعلاً أحلى تشبيه تسلم 😀

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s